Pastrimi i shtëpisë shumë shpesh mund të dëmtojë seriozisht shëndetin!

Është kjo ajo që kanë zbuluar studiuesit norvegjezë të Universitetit të Betrgen, pasi analizuan të dhënat shëndetësore të 6235 pjesëmarrësve në një sondazh europian për shëndetin respirator.

U konkludua se përdorimi i përditshëm i produkteve për pastrim dhe nuhatja e përbërësve të tyre, është si të pish 20 paketa cigare në ditë.

Pjesëmarrësit u monitoruan nga studiuesit për thuajse 20 vjet, për të verifikuar ndikimin e produkteve të pastrimit në funksionet respiratore në afatgjatë.

“Besojmë se këto produkte kimike, shkaktojnë dëme në rrugët e frymëmarrjes ditë pas dite dhe vit pas viti, duke dëmtuar kësisoj mushkëritë me kalimin e viteve”, thonë studiuesit në përfundimet e tyre, të botuara në revistën shkencore “American thoracic society”.

Studimi zbuloi gjithashtu më shumë prirje për tu prekur nga astma, femrat që pastrojnë rregullisht shtëpinë, duke u rrezikuar 12.3% më shumë, ndërsa ato që e bëjnë për punë rrezikohen 13.7%.

Ndërsa ato që merren rrallë me pastrim, rrezikohen 9%.

“Mesazhi që vjen nga ky studim është se produktet kimike që përdoren për pastrim, shkaktojnë dëme në mushkëri”, thotë autori kryesor i studimit Øistein Svanes.

LEAVE A REPLY

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.