Spoti i realizuar nga një kompani ilaçesh për pastrim tregon se sa “të lodhura janë duart” e bijave, grave, nënave në një shoqëri maskiliste ku “burrat nën hije lozin e kuvendojnë”

Kompania në fjalë ka realizuar një ide gjeniale për të luftuar seksizmin në Marok duke i nxitur meshkujt të kontrobojnë në punët e shtëpisë. Një spot prekës që vjen këtë prag Ramazani dhe që ka arritur të marrë me miliona shikueshmëri për vetëm dy ditët e para dhe po vazhdon të jetë virale.

Reklama në fjalë tregon tronditjen që përjetojnë burrat protagonist të spotit kur atyre u paraqitet në ekran një foto me dy duar, dhe më pas atyre u kërkohet t’ja qëllojnë se kujt u përkasin duart. Ndërkohë, të intervistuarit fillojnë të bëjnë hamendësime dhe sygjerojnë se duart u përkasin personave në moshë të shtyrë, burrave që bëjnë punë të rënda, dhe më pas si për suspancë u paraqitet atyre një fotografi e dytë me pronarët e duarve dhe del se janë pikërisht bijat, nënat dhe bashkëshortet e tyre. Aty pastaj burrat fillojnë dhe mendojnë, llogjikojnë, përloten deri tek disa që guxojnë dhe të kërkojnë ndjesë publikisht dhe të japin premtime se do të jenë më përkrahës dhe mbështetës.

Kjo fushatë u publikua pikërisht në prag të Ramazanit, me regjinë e një regjizori mashkull, Tarik Guisser, i cili shprehet se reklama vjen si një kundërpërgjigje për t’u treguar meshkujve atë që kanë pranë hundës së tyre për çdo ditë dhe nuk arrijnë të shohin. “Mesazhi që kam dashur të përcjell përmes kësaj video është “Ramazani po vjen, dhe të gjithë agjërojnë, jo vetëm meshkujt, andaj “o burra, përvishjuni punës” dhe kontriboni në familje dhe në punët e shtëpisë” u shpreh ai.

LEAVE A REPLY

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.